الشروط والأحكام

• لازم البيانات اللي بتسجّل بيها تبقى صح.
• إنت المسؤول عن كلمة السر وعن أي حاجة بتحصل من حسابك.
• الحساب لشخص أو نشاط واحد، ومينفعش تبيعه أو تأجّره لحد.

• إنت صاحب منتجاتك وصورك وأسعارك، وإحنا مجرد المنصة اللي بتعرضها.
• لازم تكون مالك حق الصور والأسماء اللي بترفعها أو عندك إذن باستخدامها.
• الأسعار والمواصفات لازم تكون واضحة وصادقة، ومفيش أسعار وهمية.
• إنت المسؤول عن تجهيز الأوردر وشحنه والرد على العميل.

• في قوالب مجانية وقوالب بمقابل، والسعر بيظهرلك قبل ما تختار.
• بيتحسب على كل أوردر ناجح نسبة عمولة موضّحة في القالب اللي اخترته.
• الاشتراك بيتجدّد يدوي، ولو خلص المتجر بيقف عن النشر لحد ما تجدّد.
• المبالغ اللي اتدفعت مقابل فترة استُخدمت فعلًا مش قابلة للاسترجاع.

• بيع أي حاجة مخالفة للقانون المصري (سلاح، مخدرات، مواد مقلّدة، أدوية من غير ترخيص).
• المحتوى الإباحي أو اللي بيحرّض على العنف أو الكراهية.
• النصب على الزباين أو أخد فلوس من غير ما تسلّم المنتج.
• محاولة اختراق المنصة أو الوصول لبيانات تجار تانيين.

أي مخالفة للكلام ده معناها إيقاف المتجر فورًا من غير إنذار.

العلاقة في البيع بتكون بين التاجر والعميل. سياسة الاسترجاع والاستبدال بيحددها التاجر ويعرضها في متجره، والمنصة بتوفّر السجل والإشعارات بس ومش طرف في النزاع.

بنعمل اللي علينا عشان الخدمة تفضل شغالة على طول، بس مش بنضمن إنها متقفش خالص أو إن مفيش أعطال. مش مسؤولين عن خسارة أرباح أو أضرار غير مباشرة ناتجة عن انقطاع مؤقت للخدمة أو خطأ من التاجر نفسه.

ممكن نعدّل الشروط دي مع تطوير المنصة، وهننبّهك بالتعديلات المهمة. استمرارك في استخدام الموقع بعد التعديل معناه إنك موافق على النسخة الجديدة.